Istilah Arsitektur dina basa Sunda

A. Wangun Susunan

1. Julang ngapak : wangun suhunan anu handapna kénca-katuhu leuwih mébér,di papandékeun kana jangjang manuk julang anu keur ngalayang.
2. Badak heuay : wangun suhunan anu rata sarta bagian tukangna leuwih jiga suhunan jogo anjing ,ngan hareupna maké sorondoy deui, nepi katémbongna ti gigir di papandékeun kana badak nu keur heuay.
3. Jogo anjing : wangun suhunan anu rata sarta bagian tukangna leuwih handap ti bagian hareupna, di papandékeun kana anjing anu keur ngajogo.
4. Parahu kumureb = wangun suhunan panjang anu tungtung-tungtungna maké juré, nepi ka katémbongna jiga parahu anu nangkub (kumureb).
5. Suhunan jolopong = wangun suhunan anu tungtungna teu maké juré, sok di sebut ogé suhunan panjang.
6. Suhunan limasan = wangun suhunan pasagi anu maké juré, katembongna saperti limas (nyungcung).